ما رأيكم بالهجرة؟؟؟

ايهاب وسفيان والبوب
بيعرفو شو كان رأيي بهالموضوع

أنا يا شباب أكتر واحد بالعالم ضد الهجرة

كنت عاطفي شوي
وحاسس بهالبلد
وشايف انو البلد محتاجة لسواعد تبني
وتعمر وتخليها جنة
وكنت متيقن انو الواحد لما بدو يطلع مش راح يلاقي أحسن منها





لكن
البلد خدعتني
البلد طلعت بدها أصابع تطخ
وصواريخ تدمر
وفرق موت سوداء في الشوارع
وميليشيات
وكتائب للمتاجرة بأرواح الناس
وبالقضية



علشان هيك
لمصلحة البلد انو نطلع منها
ولمصلحتنا كمان


والله على عيني بأقول هالكلام
وحاسس حالي بأتقطع
بس هي الواقع

اما أنا فمن سابع المستحيلات أن تكون غزة هي مكان إقامتي الدائم غزة أو بما يسمى فلسطين مجرد مرحلة بالنسبة لي وفي أي لحظة سأغادرها بلا عودة ولا حتى زيارة.
لأقول لها بكل صراحة وداعا غزة للأبد

وداعا غزتي وداعا فلسطين ... اما الموت في غزة او الهجرة منها ...
يا اخواني غزة مليئة بالحووش والدئاب مليئة باالضلام والسواد فلنرحل جميعا ونتركها فما عاد لنا مكان بها ....

ehab

bob كتب:اما أنا فمن سابع المستحيلات أن تكون غزة هي مكان إقامتي الدائم غزة أو بما يسمى فلسطين مجرد مرحلة بالنسبة لي وفي أي لحظة سأغادرها بلا عودة ولا حتى زيارة.
لأقول لها بكل صراحة وداعا غزة للأبد

العزيز بوب

لن أقول لغزة وداعاً الى الأبد...بالرغم من كرهي لها ولأغلبية المتواجدين فيها"بسبب ذكرياتي السيئة فيها" الا انني سأبقى أشعر بالحنين لأشياء عدة فيها وأهمها أسرتي...وقبر والدي

أشكرك عزيزي ايهاب على التعقيب
..بالفعل الناس وحوش كما ذكرت سابقاً ,معظمهم اسوأ من الظلام نفسه
الله يهديهم يارب

تحياتي

اذا بدك نصيحتي يا غيد قولي وداعا هذه عن تجربة انا معك انو سنترك الكثير ولكن فلتتوقف الخسارة قبل ان نخسر انفسنا ونخسر طموحنا المدفون ...

تحياتي للجميع ...

ehab

بصراحة يا ايهاب بلنسبة للطموح,فعلا احنا طموحنا و مواهبنا وكل شي ندفن بهالبلد

كأن الناس مبتعترفش بشيء اسمو طموح أو حلم,وممكن لو حكيتلهم عن طموحاتك واحلامك ورغباتك في الاصلاح يضحكوا عليك ويقولوا عنك أهبل...مش قصدي انت طبعاً

انشالله الأوضاع بتصير أحسن
بس انا بتزكر في انسان عزيز مرة قلي " انت اللي لازم تخلقي ظروفك اللي بتحبي تعيشي فيها"

وبظن معاه حق..

تحياتي

اول شي انا كثير بحيكي علي معنوياتك العالية ووطنيتك النقية البعيدة عن المتاجرة بالوطن وثاني شي ان شاء الله بتقدري تخلقي الظروف الي بتحبيها مع اني استبعد اي شي في هااي البلد التعيسة والمليئة بالحقد والتعصب الاعمي ....
تحياتي لكي...

ehab

ولكم شوووووو صارلكم بدكم تهاجروا لن أرحل أبدا لن أرحل لو الطائرات أرعبتنا نحن أكبر من أزيز الطائرات لو رمونا بالمداع نحن أكبر من رمايات المدافع

شو بكم بدكم ترحلووووووووووووا شو هذا اتفكير اللي بتفكروا فيه




وينكم إتوا وين أصلكم ما بتعترفوا بفلسطين الكل هووووووون بيموت وبيستشد وبدوا يستشهد يا بوب مشان فلسطين وإنتم بتقووووووووولوا مستعدين نرحل

بجد هذا بيدل علي عدم حبكم لوطنكم وشو يا عمو إيهاب وين بدك ترحل اوكي إرحل بس راح تندم وترجع لبلدك ويلا سلام عصبتوني ياجماعة

اول شي بتمني ما حدا يزاود علي الوطنية بتاعتنا لانوا عندنا وطنية بتغطي العالم كلوو بس يوم ما توصل انو نصير ننهش بلحوم بعض ومن السهل القتل ساعتها بيكون قرار الهجرة هو الصحيح و اسالي كل الموجودين من شادي و البوب و سفيان شباب كانت تحارب من اجل البقاء في غزة وفي فلسطين ولكن لا يوجد امل في غاية البندقية والعربدة وسفك الدماء واعذروني في كلامي انتم لم تعيشوا تجاربنا في الحياه نحن نواجه الامرين في تحقيق طموحنا وذاتنا فالطريق الوحيد لكل الشباب الغزي الهجرة بلا عوده ونترك فلسطين لمن يتاجر بالمقاومة وبدماء الشهداء ....
تحياتي للجميع ويا ريت نركز منيح في كلامنا للناس المصدومة حسستوني انو نحنا في باريس
ehab

سفيان كتب:يالله شو انو رائع هالموضوع وكتير احنا بحاجة لنحكي عن هذا الموضوع الهجرة ونزيف الكفايات وغيرو

بجد انا حابب اسمع اكتر منكو علشان نحكي بكل نقطة


انا رأي شبيه برأي شادي

كنا نحكي وطن وهوية وانتماء وغيرو من هالبرم الي بجد حسينا انو نحن بدينا نفقدو في ظل عدم وجود الراحة ولا مصادر رزقولاحتى وجوه زي الخلق كلو بيتاجر بأسم المقاومة ولكن مش معنا اني اني مش شايف ناس شرفاء لاااااااااااااااااااااااااااااا احنا عنا الشرفا اكتر من الخونة بس احنا شعب تايه وضعنا صعب فش نفس



الشباب صارت عقد شوفوا البوب ياويلي صار زي العودة ضعييييييف وكان ابيض بس مع التفكير ياحبيبي يابوب

ههههه(احلى بوب)

مشكورة اختي العزيزة غيد لطرح هذا الموضوع الشيق وبارك اله فيكي

اهلا وسهلا فيك يا سفيان وشكرا كتير ع الاهتمام

أكتر اشي عجبني بكلامك انك لسة بتآمن انو الشرفا ببلدنا اكتر من الخونة, وهاد شيء ايجابي
انا مرة صادفت كنت مجتمعة بالهلال مع بعض الصديقات وحكينا بموضوع الهجرة, وحدة من صديقاتي بتقول "صرنا نشك بكل الناس...كل الشعب صار عملاء وخونة"
خالتو فيروز أمينة المكتبة زعلت جدا جدا من حكي البنت وقالتلها نفس اللي قالو سفيان........بصراحة احنا مؤمنين انو الشرفاء كتار جدا جدا,لكن فش الهم مكان بالبلد,الواحد صاير يخاف من خيالو.صرنا مش عارفين مين الصادق ومين الكزاب,مش عارفين الصح من الغلط
صرنا نهرب بالهجرة والاحلام وغيرو من ضعفنا و واقعنا المؤلم

بالنسبة لكلام اخواتي الحبيبات ,انا معهم انو فلسطين محتاجانا, لكن يا حبيباتي انتو بتحكوا من فراغ,ممكن مش حاسين بصعوبة الموقف,نفش الشغلة صارت مع اللبنانية لما احتاروا بين الهجرة او البقاء تحت القصف ونير الجوع والخوف ونفس اللي صار فينا احنا المهاجرين وعرب 48


هل اللي بيسافر او يهاجر لأنو مش قادر يطيق حياته بيكون خائن؟؟ احنا المهاجرين خونة؟؟ عرب 48 هم الأصل؟؟ الشجعان؟؟ اللي سابوا نهر البارد وهربوا بحياتهم من الموت جبناء؟ وعملاء وخونة؟؟؟

أظن لأ

الظروف يا جماعة هي اللي بتجبرنا نعمل اشياء ممكن نكون بنرفضها او مش مقتنعين فيها,بس خلص,غصب عنا
انا بصراحة لو تصحلي فرصة اغير فيها اسلوب حياتي وظروفي واحقق فيها احلامي مش حقول لأ
رغم انو زي ما قلت في كتير رلاوابط روحية واجتماعية وديموغرافية بتربطني بالبلد

انا اصلا لو حفكر احن للأرض حفكر ب يافا مش غزة...

ياريت تطرحوا وجهات نظركم بشكل أعمق زي ماقال سفيان

احنا مش شايفين اي بصيص امل يخلينا نتمسك بالبد الا انها ارض رباط وجهاد ومن هالكلام
بس فش اشي يضيء طريقنا كشباب طامح

و يا عزيزي ايهاب أنا متأكدة انكم ناس وطنيين ولو تيجيكم الفرصة عشان تحموا البلد حتفدوها بأرواحكم
كون مطمئن

مستنية منكم المزيد

يا سحر الشوق اول شي صباح الخير
ثاني شي لو جبتي قصة سيدنا ايوب او محمود راح اهاجر وما بدي غزة لانو الناس الي فيها ما عادوا ينطاقو ...

عارفين يا شباب

أسوأ شي فينا
انو تعودنا على الشعارات

يعني مثلا
اللي بيقول انو وطني وصار يعرف ويقدر يحدد الوطني من اللي ما عندو روح الوطنية

شو يعني الوطنية
شو يعني المواطنة


بدي أحكيلكو قصتي مع المواطنة

انا يا اخوان ويا اخوات
عمري ما رميت شي عالأرض
لأني بحب بلدي
وبدي اياها تبقى نظيفا
ومؤمن بنظرية ابدا بنفسك


وعمري ما استخدمت المنتجات الاسرائيلية
لاني وطني
بدي أدن المنتج الوطني
حتى لو هوا سيء
بس المهم اني ما اشتري اسرائيلي


وعمري ما فكرت بالهجرة
لانو البلد محتاجا اولادها وانا وطني
ولازم أضل أعطي البلد لآخر لحظة


كل هادا الشي تغير
وصار العكس


لاني ما لقيت وطن علشان أطون مواطن
احنا ما بنستحق القدس وغز وفلسطين
احنا آخرنا معسكر لاجئين في السودان وكتير علينا
احنا ربنا أعطانا أرض طاهرة
ووزخناها

ربنا أعطانا دين نقي
ووسخناه

ربنا أعطانا سلاح نقتل فيه الاعداء
أعداء الدين والوطن
وجهناه على أعداء الحزب
حتى لو من نفس الدسن ومن نفس الوطن


احنا صرنا نخطف ضيوفنا
ونساوم عليهم
يعني بعنا شرفنا
لأنو الضيف لما يكون عندي
هادا لازم أحميه زي شرفي
بس احنا بعنا شرفنا



احنا حولنا القضية الفلسطيني اللي نزل وسال دم كتير علشان تصير موجودة
حولناها من قضية لاجئين وقضة قدس
لقضية ملف أمني
ومعبر انفتح ومعبر سكر
واليوم نزل الدخان على السوق
لا والله ضايل غالي لانو المعبر مسكر




احنا تحولنا من شعب مقاومة لشعب متاجرة بأرواح شهدائه



انا بصراحة مش عارف كيف كتبت كل هالكلام
بس والله العظيم اني بأموت مع كل حرف بنكتب مليون مرة



وين الوطن

اول شيء بدي اعلق على كلام الأخت سحر,يا حبيبة قلبي ياسحر انا لو انتبهتي ع كلامي التلك احنا اشطر ناس بالشعارات زي ماقال شادي

واللي ايدو بالنار مش زي اللي ايدو بالمي,لو كنتوا فعلاً حاسين بالخنقة والرعب اللي احنا فيه ماكنت التي هيك...وانا متأكدة مع اول تجدد للقصف والاغتيالات والاجتياحات/انشالله لأ/,كل الكلام اللي بتقوليه عن الوطن والبقاء والانتماء واصر ايش حيتغير..مش لأنك انسانة غير وطنية او خائنة لاسمح اللهوبس لأنك حتكوني نحن ضغط كبييييييييييييييييير ,تحت ضغوط الخوف والرعب والضياع والوحدة واشياء كتييييييييييييييرة..انا لما بيصير قصف صحيح اني بقول ان الله معنا وحننال الاجر باذن الله بس برضو مش لازم نرمي ارواحنا للتهلكة

زي مابيقولوا في السنافر "سنفروا بحياتكم" وانا لما يوصل الوضع لضرر الي وأهلي وأحبابي أكيد حسب البلدواليوم الاسود اللي اجيت في عليها!!-----------مع خالص احترامي وحبي الها وانا مستعدة افديها بروحي والشهادة شرف النا,لكن مش لما تكوني ميتة رعب وخوف وهلع وتقوليلي ما احلى الشهادة!!! الشهادة حلوة وانت قلبك كلو ايمان وخشوع وفرح...مش تكوني بتتخبي منها!
ممكن تقوولا شو وصلنا لهالموضوع وكلامكم صح...اللي وصلنا انو الهجرة النسبة الي الها 3 أسباب:
اما البحث عن سبيل جديد للعيش
تحقيق حلم
انقاذ روحك وحياتك
وانا مقتنعة انو الاسباب ال3 مش موجودة ببلدنا ,لافي سبب للعيش معتبر الا الجهاد في سبيل الله والصبر واحتساب الاجر
وتحقيق الحلم انسواااااااااااااااااااااااااااا
والبقاء .......مستحيل مع كل الضغوط النفسية والمادية والاقتصادية
والمصيبة انو الناس مش طايقة بعضضضضضضضضضضضضض
والله لو البلد زفت 100% والناس مناح وولاد حلال مع بعض,كلوا بيهون فقي سبيل الوطن
اما احنا نكافح ونشقى ونفكر بالوطن ويجي غيرنا يخرب ويكون الكل ف الكل والشر يسود هاد اللي مستحيل حدا يرضى فيه

وانت يا سحر ما قلتيلي
شو رأي فينا احنا المهاجرين؟ وعرب 48؟وفلسطينية نهر البارد؟؟؟ وأهل بيروت ولبنان؟؟ شو رايك بهجراتهم؟؟؟؟؟؟؟؟؟؟؟؟

وبالنسبة الك يا شادي انت نفس حكايتي
عملت عملت وما لقيت شي
بالنسبة للي انا عملتو مش كتير.......هي مجرد احلام وطموحات كانت الدنيا كلها بالنسبة الي
بس يا خسااااااااااارة ع الفاضي

وياريت حدا بيستاهل

شكرا الك يا ايهاب ع المرور اللي بتشرف فيه

تحياتي الكم

والله الموضوع حلو ،،،،،،،،،، وصعب في نفس الوقت


والمأساة لا يمكن الهروب منها

لكن بلدي بلدي
حتى لو غادرناها لأي سبب كان فأنا أعتبرها الملجأ الوحيد

بالمعنى الأصح هاجرت ولا لا ( راح أعاود أرجع على بلدي )

وأحكي لكم شغلة وين ما تروحوا يا فلسطينية اسمكم ارهابيين يعني احنا علينا نقطة سودة


عند العالم أجمع

حتى توضح الصورة

اعطوني ملجأ مستعد يحميكم


لكن بالنسبة لموضوع هجرة 48

أنا مع إل هاجروا

يعني يرموا بأرواحهم

وكانوا قادرين على الخروج


لا طبعاً الخروج أفضل لهم

حتحكوا لي التاريخ بيعيد نفسه والوضع شبيه بال48


ححكيلكم لا

المهاجرين لقوا مين يأويهم ويحميهم

من أهل بلدهم


وفي هداك الزمان

كان الشرفاء من الزعماء


وكان اسم الفلسطيني

غير عن اليوم


اليوم وين ما تروح لما يعرفوا فلسطين

بيهربوا ما في وظائف ( اسمنا ارهابيين )

يعني الحل برأيكم ؟؟؟؟؟؟؟؟؟؟؟؟؟؟؟؟؟؟؟؟

ياجماعة غيد حطت ايدها عالجرح



وايهاب دافع او وضح وجهة النظر بس والله انو نحن متمسكين بالارض ونحن وطنيين لدرجة كبيرة ومش ضروري اكون حامل برودة لأكون مناضل او مجاهد
يمكن انا شايف انو الناضل هو الي بيحمل قلم او ريشة او مسطرين اوسلاح






بجد اذا انا خيرت اني امووت وانا مش عارف ليش موتت والهجرة فالهجرة احسن الي

[size=29]انا متفق مع شادي بكل الي حكاه





احنا كلنا كنا مقاطعين للبضائع الاسرائيلية بس هلقيت احنا بندور عليها (جزء من كلام شادي)[/size]

شكرا جزيلا على هل الموضوع الرائع انا لو يصح الى اسافر من هلقيت بسافر لانو غزة اصبحت مش للعيش للموت بس ياريت على بلد اجنبى لانو البلاد العربية اصبحت زى بعض

والله ما عمرنا بنصير ربع الاجانب اى احنا خلينا اشى منيح فى بلدنا ازا البحر الشيىء الوحيد فى غزة الى علية العين بتروح الناس على البحر ايش بتعمل زبالة وزفت منيل بترمى على الشط وتسيبو مكانها طبعا البعض بتجى تعد بتقرف حياتك اى هدى عيشة اى على شو بدافعو عنها اة على شو انا بدى اسافر بلد اجنبى وما ارجع


تحياتى الكم اريج من غزة الحبيبة هههههههههههههههههههههه