شكوى

السلام عليكم ورحمة الله وبركاته


هذه شكوى موجهة لجميع الأخوة والأخوات الأعضاء في منتدى مؤسسة تامر للتعليم المجتمعي


( عدم ذكر أسماء الأعضاء بناء على معرفة سابقة بهم فأعتقد لكل عضو لقب خاص به

فإذا أردنا التواصل معهم فعن طريق ألقابهم
وعلى فكرة،،،،،،،،،،،،، أي عضو يخالف هذه الشروط فلن يجد أي تقبل من الأعضاء

ولا أعلم حكم سحر الشرق عليه ماذا سيكون لأن عقابها صعب )


للتحذير فقط

وهناك أمر آخر

(أنتم ملاحظين في بداية عملنا لهذا المنتدى كنا نتكلم اللغة العربية بأسلوبنا المجتمعي المتراود بيننا


وفي بداية الأمر تجاوزنا هذه العادة لأننا لم نكن نتخيل أن المنتدى سيعرف بهذه السرعة وينتشر


بالختصر المفيد :- يجب الالتزام باللغة الفصحى إلا في بعض الأحيان

مثل المنتدى الترفيهي ( الألغاز والنكت )


أتمنى الاستجابة


وشكراً


بدون تجريح

انا اوافق هذا الرأي ونرجو الالتزام
شكرا للتنويه

شكراً للمؤيدين وأتمنى الالتزام بها

على فكرة
مادام الأخ سفيان التزم بها

إذاً الموقع بخير



احم احم

شكراً

سأعتبر أن هذه الشكوى قيد النتفيذ وتعتبر جزء من قوانين المنتدى
وكل من يخالفها يحق عليه العقاب
تحياتي

مشكور أخنا bob على هذا الاندفاع الشديد لتنفيذ هذه القوانين

شو هادا
وين احنا
هقاب
وتحذير
وسلطان وملك ورعايا
يا شباب مش هيك
والله انو ممكن نكون أكثر لطفا
مع انو الكل لطيف
بس ممكن نكون أكثر لطفا
يعني لو كان هالكلام مطروح بصياغة أفضل
كان كتير حلو
على فكرة أنا مع الأفكار اللي بالاشكوى
لكن مش مع طريقة صياغتها
أتمنو انو ما نرجع نحكي بأسلوب العقاب
والأبصر شو
ما في حدا فينا صغير
وما في حدا كبير
احنا مجموعة واحدة



أنا من بعد هالرسالة راح ألتزم باللغة الفصيحة
بس بأتمنا انو ما أرجع أتدايق من صياغة الكلام بعد هالمرة
حبايبي كللليتكو

مالكو يا شباب

يا ريت يا بوب قبل ما تندفع
تروى وفكر منيح
وخلي قراراتك مبنية على تفكير مش على اندفاع
يعني بلاش من ردات الفعل
لانو احيانا ما بتكون في محلها
القانون ما بيصدر بهادي الطريقة
يا اخي نزل الموضوع وخلي الاعضاء يصوتو عليه

معك بعد السلام

المقصود كان من الكلام هو الالنزام باللغة الفصحى

وحكاية العقاب ما هي حقيقية وعارة عن مزحة

لكن أنتم فهمتوها خطأ

وللأسف الشديد هذه الشكوى ما وجدت لها مفعول ( اللغة الفصحى )

للأسف

لكن من دون زعل

أرجوكم

الكلام للجميع

شكراً

ولعت ياجماعة شيلي شيلي
لا عيب بدنا اكتر من هيك مشاكل




هايييييييييييي

اول شي مساء الخير
انا مع شادي في كل شي يعني ما دام الموضوع او الكلام ما فيه تجريح او شتم ما في مشكله خلي كل انسان يعبر عما يدور بداخله ومو شرط اساسي الفصحة ويا ريت بلاش التسرع في اتخاد القرارات يا بوب وبلاش قوه القلب الزايده هاااي تحياتي للجميع
ولعت ... طفوها
ehab..

شادي كتب:شو هادا
وين احنا
هقاب
وتحذير
وسلطان وملك ورعايا
يا شباب مش هيك
والله انو ممكن نكون أكثر لطفا
مع انو الكل لطيف
بس ممكن نكون أكثر لطفا
يعني لو كان هالكلام مطروح بصياغة أفضل
كان كتير حلو
على فكرة أنا مع الأفكار اللي بالاشكوى
لكن مش مع طريقة صياغتها
أتمنو انو ما نرجع نحكي بأسلوب العقاب
والأبصر شو
ما في حدا فينا صغير
وما في حدا كبير
احنا مجموعة واحدة



أنا من بعد هالرسالة راح ألتزم باللغة الفصيحة
بس بأتمنا انو ما أرجع أتدايق من صياغة الكلام بعد هالمرة
حبايبي كللليتكو

مالكو يا شباب

سفيان كتب:ولعت ياجماعة شيلي شيلي
لا عيب بدنا اكتر من هيك مشاكل




هايييييييييييي

ان مش عارف شوو دخل الاسلام في الصور يا جماعه واي اختلاط الي بتحكي فيه
علي ما اعتقد انو صور الزملاء ما فيها شي حرام او عيب ...
ثاني شي مافي شخص بيسمح لنفسة انو يحكي كلام تجريح ومخالف للدين
يا جماعه خلو الناس تاخد راحتها بيكفي تضيق اكثر من هيك مش بيكفي كل البلد مخنوقة كمان هون يا ريت تفهمونا ...
تحياتي لكم

ehab

الله أكبر

ولله الحمد


الرأي للتصويت


كل هالمجازر علشان هيك


طيب

راح نعمل تصويت

شو رأيكم


كل هدا عشان اللغة الفصحى والصور


حرام عليكم


يلا


نشوف التصويت

شووو ليش بتحكي حرام علينا شويه وبدك تنادي في مكبرات الصوت واقم الصلاه شو في يا عالم هذا هوا التعبير عن الراي شوو نحنا ارتكبنا جريمه انا من اول المصوتين ضد كلامك وانا مع حريه التعبير بدون عوائق ولازم نشجع الناس الي ما بتعرف تكتب بالفصحة مش نصدهم من اول الطريق ... بتمني من الجميع التصويت ضد هاي الشكوي ..
وتحياتي للجميع...

ehab

صباح الخير يا شباب

مالكو بتزعقو على بعض

ايش يا ايهاب

اهدى شوي
مش هيك بتتعالج الأمور
وأي شي بيرجع لرأي الأغلبية


أنا مع انو كل واحد يعبر بالطريقة اللي بيلاقيها بتعبر عنو وعن وجهة نظرو
احنا في مكان المفروض نكون فيه أحرار

ويا ريت بلاش هاداك النوع من الكلام
لانو بيستفز كتيرين بالمنتدى

طيب وأنا شو حكيت

أنا قصدي أنا أؤيد التصويت

يعني كل واحد يعبر عن رأيه بصندوق الاقتراع للانتخابات

وصوتي أنا للغة الفصحى


فيها شي