سؤال مهم لنبدأ الحوار

-هذا السؤال بدنا نحكي في بعيداُ عن الفسيولوجية ..



-بالشخصية بالنفسية هي الاطار العام للنقاش اذا احببتم.


-انا بستفيد من كلامكو لموضوع انا بكتب عنو ساعدوني

سأعود للموضوع

أعدك

البقية هوووووووووون



أنا بالنسبة لي أكيد المراهق الفلسطيني بختلف عن المراهق في الدول الأخري


لوجوووووود الحرب والنضال والحصار علينا نحن الفلسطنيين

فهم يعيشوون بحرية أما نحن فلا لهم وطن يعيشون فيه أما نحن لنا وطن يعيش فينا


شووووووو يعني إنت ما عشت حياة المراهقة شووووووووف كيف كنت بالمراهقة أكتب الموضوع


ولا إنت مختلف عنا بسرعة كبرت بدون ما تمر في مرحلة الراهقة

ححكي رايي ... لأنه ما بيصير أمر على موضوع هيك .. وما يكون لي بصمة فيه .....







اللآن كلامكم صحيح ...


انه الشاب والفتاة الفلسطينية البالغ/ة ( مصطلح افضل من المراهق )

له خصوصية ... مميزة لأنه فلسطيني/ة ...






لو سألنا أنفسنا لماذا ...؟؟؟

وبصفتنا .. احد /ى هؤلاء البالغين ... أليس كذلك ..

ولا يا سفيان انت كبرت من دون ما تبلغ ,,,ههههه

طيب المهم ...

أنـا أعتقد أن المراهق الفلسطيني بتميز بالنضج قبل بلوغ مرحلة النضج الحقيقي. وقد يفسر ذلك بالأوضاع التي يعيشها المراهق الفلسطيني وتكريس جانب من أحلامه وطموحاته أو أغلبها لما يتعلق بالوطن ويصلح لصون أرضه.


عنجد يعني ... يعني بتلاقي الشباب الفلسطيني ناضج عقليا قبل اي مراهق .. بسبب الظروف اللي بتجبره يكون هيك .. وبما انه الاحتلال ما بيعرف مراهق ولا طفل ولا غيره ... بتمنى انكم تفهموا علي ... لأنه لغتي مش مقنعة ,, مش قادرة اعبر عن اللي بداخلي ..

متلا روحوا على بلد عربي تاني ... وقارنوا بيننا وبين شبابهم .. بعتقد الفرق كبير

احنا عنا نضج عقلي للواقع اللي احنا عايشينه في الدول التانية بتلاقيهم ما بعرفوا شي لا عن يهود ولا عن دولة اسرائيلية ولا عن دين ولا عن اقصى ولا عن هي الأمور ما بيعرفوا .. الا النت والتلفزيون والكمبيوتر واللعب والفيلا تبعتهم والصديقات والاصدقاء ,,, الخ ... هي اهتماماتهم ..

اما احنا .... شوفوا كيف من صغرنا .. بنحكي عن فلسطين وبنعرف كتير عن اسرائيل و فهمانين تقريبا يعني للواقع اللي احنا وكل الدول العربية عايشينه ,,,,,

صح ولا لأ ......؟؟؟؟؟؟؟

يا رب تكونوا فهمتو علي ......

بستنا ردودكم ..
ولي عودة بإذنه تعالى ,,,...

و للحوار بقية . ان شاء الله..

بسم الله نبدا..
بالنسبة للسؤال اكيد المراهق الفلسطيني بيختلف عن المراهقين في الدول العربية,.الاسلامية والأجنبية
بعتقد يا اختي سحر ,سفيان حب يحط كلمة مراهق لانو بيعنيها...وفي فرق كبيييييييييييير بين المراهق والبالغ..
والمراهقة مش شتيمة او اشي غلط,هاي مرحلة طبيعية لازم كل واحد "طبيعي" يمر فيها

المهم..

بايد راي أميرة و سحر الشرق لما قالوا انو تفكير المراهقين عنا كلو منصب باتجاه القضية

بس الي اختلاف بسيط بال{اي معهم

انو احنا المراهقين هنا بينقسموا لقسمين
قسم فاهم القضية 100% وحابب يساعد بجد, وقسم تاني بدو يخلص من "هم" القضية عشان يتفرغ لهلوسات المرحلة

يعني, في قسم بيفرغ ضغوط المراهقة بشكل مفيد وصحيح ويخدم القضية,بينما القسم التاني بيحاول ينسى ويشغل حالو باي شيء بعييييييييد عن القضية

خاصة,مع وجود برامج خليعة ومنحطة زي "ستار أكاديمي" و "بيرفيكت برايد ...قسمة ونصيب" و الكليبات المقرفة والافلام الوقحة ومواقع النت الاباحية والصور المقرفة وغيرو..

المراهق الفلسطيني موضوع تحت ضغط كبييييييييييير جدا,معظم المراهقين بيندبوا حظهم لكونهم فلسطيننين مش فقادرين يتمتعوا بشبابهم
والمتعة عندهم "الصداقات والعلاقات المحرمة" تقليد الأجانب باللبس والحكي واسلوب الحياة وحتى طريقة المشي والشعر والانسيالات والسناسيل والبرادة وقلة الحيا

وانا بصراحة لما اشوف لبس شباب الجامعة "المراهقين" بقرف منهم وبسبهم بغقلي

المراهق بيلاقي حالو محبوس بين اربع حيطان,لا سفر ولاطلعة ولا جيرل فريند! ولا بوي فريند!!!!!!!!! ولا سيارات ولا فيلل ولا اشي
هو فاهم انو الحياة مجرد "متعة " لا أكثر

والقسم التاني "مهمووووووووم" وشايف انو مش قادر يساعد البلد باشي
فبتتراكم الضغوط النفسية وبيتعب أكتر

المراهق الفلسطيني "عامة" ما بيعيش مرحلة المراهقي بشكل طبيعي زي باقي المراهقين,وهاد بيرجع للضغوط النفسية والاجتماعية والسياسية والعلاقات الأسرية الخربانة والأوضاع المادية المتردية ,والسياسات المحبطة حول العالم..لازم تتوافر شروط معينة في بيئة المراهقين علشان يقدروا يتخطوا مصاعب وسلبيات هالمرحلة,بس احنا للاسف مراهقينا بيعانوا كتييييييير

ازا كان احنا الكبار "فوق سن ال18" تعقدنا,شحال المراهقين!!
الله يعينهم!

انشالله ما اكون عقدتها!

تحياتي

والله بصرحة انا مش فاهمة لانى لسة صغيرة على كل هالكلام